طريقه عمل بطاطس احلى من كنتاكي

طريقه عمل بطاطس احلى من كنتاكي وحتبقى مقرمشه من بره ومن جوه طريه وخطيره
نبتدى باسم الله
بصوا حنقشرها ونقطعها عادى صوابع واثناء كده نكون حطينا ميه على النار وفيها شوية ملح ومعلقة خل
واول ماتغلى الميه نرمى فيها البطاطس واول ماتغلى نصفيها من الميه ونكون حاطين الزيت على النار
وقبل مانحطها بالزيت نملحها زى ماحنا عايزين
وبعدين نحطها بالزيت ونحمرها
ولو عايزين تشيلوها بالفريز ماشى بعد ماتصفوها من الميه المغليه سيبوها تبرد وبعدين شيلوها بالفريزر ولما تعوزوها خرجوها وحطوها بالزيت بس يكون سخن شويه ومش مقدوح